Мөнхийн улсын өдрүүд газар дэлхий дээр: Өдөр 6

“Хэрэв та нар бузар атлаа хүүхдүүддээ сайн бэлэг өгөхөө мэддэг юм бол, тэнгэр дэх 

Эцэг тань Өөрөөс нь гуйдаг хүмүүст илүү сайныг өгөх нь дамжиггүй бус уу?” Матай 7:11

Үүнийг би Библийн ‘хар ухаан’ гэж нэрлэмээр санагддаг юм. Хүмүүс бидэнд амьдралын хар ухаан гэж байдаг. Нэгэн удаа итгэлийн ах нартайгаа хамт асуулт хариултын тоглоом тоглож байхад “PhD буюу доктор процессорын зэрэг, амьдралын сайн хар ухаан хоёрын аль нэгийг нь сонгох хэрэгтэй, алийг нь сонгох вэ?” гэсэн асуулт гарж ирж билээ. Бид бүгдээрээ амьдралын сайн хар ухаантай бол сайхан амьдраад байж чадна гэдэгтэй санал нийлцгээж байсан.

Ямар ч эцэг эх үр хүүхэддээ хамгийн сайн сайхныг хүсдэг. Үүнийг би өөрийнхөө эцэг эхээсээ байнга олж харж байдаг. Харамсалтай нь заримдаа бид Ер Бусын Эцэг маань болсон Ертөнцийн Эзэнийг биднийг хайрладаг Аавыгаа гэж харахын оронд биднээс олон зүйл хийхийг шаарддаг Дарга, Босс мэтээр хардаг. Тийм ч учраас бидний Христчин амьдрал хийж болно, болохгүй гэх мэт олон зүйлсээр хашигдсан, доторх эрх чөлөө бус, гаднах баригдмал амьдрал болон хувирсан байдаг.

Бид Ертөнцийн Эзэний зарц, үйлчлэгч нар бус, хөвгүүд охидууд нь гэдгийг ойлгож амьдрах хэрэгтэй. Учир нь бид өөрсдийгөө Ертөнцийн Эзэн Аавынхаа жинхэнэ хөвгүүд, охидууд гэдгийг ойлгож мэдсэнээр Түүний Хаант Улсын жинхэнэ үр бүтээлтэй зарц, үйлчлэгч нар байж чадна. 

Бидний Их Эзэн Есүс Христ загалмай дээр эцсийн амьсгалаа хураахын өмнө Матай 27:46-д “Ели, Ели лама сабахтани?” буюу “Бурхан минь, Бурхан минь, юунд Намайг орхив?” хэмээн хашхирсан. Тэрхүү загалмай дээр 2000 жилийн тэртээ Есүс та хоёрын хооронд агуу солилцоо болсон юм. Тэрээр загалмай дээр таны орон зайг эзлэн, таны төлөөлөл болсон юм. Тийм учраас Өөрийн Ертөнцийн Эзэн Аавыгаа Их Эзэн Есүс маань “Ааваа, Ааваа юунд Намайг орхино вэ?” бус “Бурхан минь, Бурхан минь, юунд Намайг орхив?” хэмээн хашгирсан. Иймээс та өнөөдөр Ертөнцийг Эзэнд “Ааваа, Ааваа юунд намайг ингэж их хайрлана вэ?” хэмээн Түүний сайн сайхныг магтан хашгирч чадна.    

ESSENCE OF FAITH / ИТГЭЛИЙН МӨН ЧАНАР

Now faith is the substantiating of things hoped for, the evidencing of things not seen. "Things hoped for" and "things not seen" are the things the grace of God made available to us. Let us continue to look to Jesus, the Originator and Perfecter of faith and live by faith, not by sight.

For Abraham, Isaac was "hoped for" and "not seen". If you look at the situation they were in through sight, the condition was impossible. But he didn't walk by sight, but by faith.

The Bible says Abraham believed God, NOT considering the deadness of his body and his wife Sarah's womb. For he did not waver at the promise of God through unbelief, but was strengthened in faith, giving glory to God and being fully convinced that what God had promised He was also able to perform. Now that is real faith.

POWER, where is it??? / ЖИНХЭНЭ ХҮЧ ЧАДАЛ

I'm kind of tired of speaking and hearing just mere words.. I want the real thing. I'm tired of living the natural life and seeing natural results... So many of us, the Christians are living normal human natural life and it seems as though we are fine with it. I want to live in the divine on regular basis. It is normal for us who are born of GOD to live in the divine. We are born from above with a supernatural life from supernatural God, it should be normal for us to live in the supernatural as though it is natural. The Kingdom of God is not in word, but in power. The words of our Lord Jesus are not mere words, they are spirit and life, and they change and transform us. They expel what is natural and brings what is divine...

Мөнхийн улсын өдрүүд газар дэлхий дээр: Өдөр 5

“..би Христ Есүсээр юуны төлөө баригдсан, түүнийг барьж авахын тулд урагшилдаг. Ах дүү нар аа, би өөрийгөө хараахан барьж авсан гэж боддоггүй, харин нэг л юмыг хийдэг, ардахаа мартаж, урьдах зүйлс уруугаа зүтгэн тэмүүлж, Христ Есүс дотор Бурханы дээш чиглэсэн дуудлагын шагналыг авахын төлөө бариа уруу урагшилдаг.”Филиппой 3:12-14

Энэ бол агуу Апостол Пуулийн итгэл үнэмшил, үзэл баримтлал. Түүний хэн байсан болох, хийсэн бүтээсэн бүхэн нь үүнтэй салшгүй холбоотой гэдэгт би итгэдэг. Пууль зөвхөн Есүс Их Эзэний жинхэнэ үйлчлэгч, зарц хүний үлгэр жишээ төдийгүй мөн Есүсийн жинхэнэ дагалдагч хүний амьдрах ёстой амьдралыг бидэнд үлгэрлэн харуулдаг.

Христэд итгэгч бидний амьдрал урагшаа хийгээд дээшээ чиглэсэн. Хэзээ ч хойшоо юм уу доошоо биш. Есүс Их Эзэн маань өмнөө тавигдсан Ер Бусын Эцгийнхээ дуудлага, ажлыг биелүүлэхийн төлөө урагшилсан бөгөөд бүгдийг биелүүлэн амьсгаа хураасныхаа дараагаар дахин амилж, улмаар дээш тэнгэрт өргөмжлөгдсөн.

Итгэгч хүн бүрт биелүүлэхээр өгсөн Эзэн Есүсийн дуудлага, алсын хараа бий гэж би итгэдэг. Пууль өөрийн зүрх сэтгэлээ Филиппойн итгэгч ахан дүүс нартаа нээн хуваалцахдаа, “..би Христ Есүсээр юуны төлөө баригдсан, түүнийг барьж авахын тулд урагшилдаг...”хэмээсэн. Түүний зүрх сэтгэл Эзэнээс өөрт нь юу оногдсон, түүнийг барьж, биелүүлэхийн төлөө байсан. Түүнд ямар нэгэн далд хувийн хүсэл, ашиг сонирхол огт байгаагүй. Түүний амьдралыг хөдөлгөгч гол хүчин зүйл нь Эзэн Есүс, Түүнийхээ хүслийг биелүүлэн амьдрах байсан. Энэ л түүнийг агуу Апостол Пууль болгосон.

Ингэж амьдрахын тулд Пууль нэг л зүйлийг хийдэг хэмээсэн. Энэ нь “…ардахаа мартаж, урьдах зүйлс уруугаа зүтгэн тэмүүлэх..”  Та бид хоёр өөрсдийнхөө Эзэнээс өгөгдсөн дуудлага, алсын харааг биелүүлэн Хрисчин амьдралаараа амьдрахад мөн л Пуулийн хийснийг хийж сурах хэрэгтэй. Ардахаа мартаж, урьдах зүйлс уруугаа зүтгэн тэмүүлэх.

Заримдаа бид өөрсдийн өнгөрсөнд гаргасан алдаа бүтэлгүйтэл, гэм нүглүүдээс болж өөрсдөөсөө ичиж, өөрсдийгөө үзэн ядан, голж буруутган явсанаар Их Эзэнийхээ хүсэл төлөвлөгөөн дотор алхаж амьдарч чаддаггүй. Хэрэв ээ бид үнэхээр өнгөрсөний алдаа, гэм буруугаасаа суралцаж, Эзэнийхээ өмнө нугаран хугарч, бурханлаг гэмшилээр Түүнийхээ өмнө ирсэн бол Эзэнийхээ ариун цусаар угаагдаж, шинэ амьдралын гал цогоор бадран асах хэрэгтэй.

Мөн заримдаа бид өнгөрсөнд өөрсдийн гаргасан агуу амжилт, оргил өндөрлөгүүдийг дурсан санаж, дахин тийм өдрүүд ирэх болов уу хэмээн хуурамч итгэлээр хийгээд өнгөрсөн цаг хугацаанд амьдардаг.Харин бид ингэж амьдрах биш, алдаа эндэгдэл, гэм буруу, амжилт бүтээл гээд өнгөрсөний бүхнийг мартаж, урагш тэмүүлэх учиртай. Яагаад гэвэл бидний амьдрал биднийх биш, Эзэний төлөө, Эзэний амьдрал болсон билээ.

Их Эзэн Есүсийн танд өгсөн дуудлага, алсын хараа, амьдрал юу болохыг та мэдэх үү? Та үүнийг биелүүлэн амьдрахын төлөө зүтгэн тэмүүлдэг үү? Танд ийнхүү амьдрахад юу саад болдог вэ? Хэрэв ээ та Эзэнээсээ холдож, ийнхүү амьдарч чадаагүй бол өнөөдөр танд дахин цоо шинэ өдөр ирж байна. Та өнөөдөр ардах бүхнээ мартаж, Эзэнийхээ зорилго дуудлагын төлөө урагшаа тэмүүлэн зүтгээрэй! Таныг агуу шагнал нь хүлээж байдаг. Эзэн дүүрнээр ивээг!

Мөнхийн улсын өдрүүд газар дэлхий дээр: Өдөр 4

  

Ертөнцийн Эзэн бол сайн

“Хайрт ах дүү нар минь, бүү мэхлэгдэгтүн. Аливаа сайн соёрхол ба аливаа төгс бэлэг нь дээрээс, гэрлүүдийн Эцэгээс бууж ирдэг. Түүнд өөрчлөлт ч байхгүй, өөрчлөгдөх сүүдэр ч байхгүй.Тэр Өөрийн хүслээр биднийг үнэний үгээр төрүүлэв. Ингэснээр бид Түүний бүтээлүүдийн анхны үр жимс нь болох юм.” Иаков 1:16-18

Христэд итгэгчид бид Ертөнцийн Эзэний сайн сайхан чанарт бат итгэлтэй байх хэрэгтэй.

Заримдаа бид өөрсдийн амьралд болж буй хэцүү асуудал, амсаж мэдсэн туршлага, өнгөрсөнөөрөө Ертөнцийн Эзэний хэн болохыг тайлбарлахыг оролдож, тэр хэмжээгээрээ өөрсдийн итгэл үнэмшлээ бий болгон, хэлбэржүүлдэг. Хэрэв бид Ертөнцийн Эзэнийг ийнхүү дүгнэдэг бол мэхлэгдсэн хэрэг юм. Бидний дайсан болох муу ёрын сүнс бидний амьдралд бий болгохыг хүссэн Ертөнцийн Эзэний сайн сайхныг дуурайлган хуурамч, түр зуурын зүйлсийг оронд нь санал болгож, “хулгайлан, алж, сүйтгэх” ажлаа хийн, хууран мэхэлснээр биднийг Ертөнцийн Эзэний талаар буруу ойлголт хандлагатай байлгахыг байнга оролддог.

Харин хайрт ах дүү нар минь, бүү мэхлэгдэгтүн! Ертөнцийн Эзэн бол сайн, Тэр бол жинхэнэ гэрэл, Түүний дотор харанхуй үгүй, харанхуйн сүүдэр ч үгүй, Тэрээр хэзээ ч хувирч өөрчлөгдөшгүй билээ.  

Ертөнцийн Эзэн Өөрийн сайн сайхан таалал, хүслийнхээ дагуу Өөрийн хайрт Хүү Есүсийн амийг золиослон байж танд, надад энэхүү агуу авралыг өгсөн. “Тэр Өөрийн Хүүгээ үл өршөөж, харин Түүнийг бид бүхний төлөө тушаасан юм.Тэгвэл Тэр яаж бүх юмыг Түүний хамт бидэнд сул өгөхгүй байх билээ?” Ром 8:32

Иймээс та өнөөдрийг Ертөнцийн Эзэнээсээ Түүний сайн сайхан тааллыг хүсэн хүлээн, амар тайван, баяр хөөр, амьд итгэлээр дүүрэн өнгөрүүлээрэй. 

Мөнхийн улсын өдрүүд газар дэлхий дээр:Өдөр 3

Шинэ бүтээл

“Тиймээс хэрэв хэн нэгэн хүн Христ дотор байвал тэр хүн шинэ бүтээл мөн. Хуучин юмс нь өнгөрчээ. Харагтун, шинэ болсон юм.” 2 Коринт 5:17

Өгүүлбэр хийгээд үг яриа өмнөө оршилгүйгээр “тиймээс” хэмээн эхэлдэггүй. Тиймээс энэ үгээр эхэлж буй дээрх Библийн ишлэл өмнөх бичигдсэн зүйлстэй даруй холбоотой.

Олон жилийн өмнө Монголд хамтдаа үйлчилж байсан гадаадын миссионер илгээлтийн эзнээс сайн ойлгож чадахгүй байсан Библийн ишлэлийг тайлбарлуулахаар асуусанд тэрээр “Нэг ишлэл ойлгохгүй бол нилээд хэдэн ишлэлтэй нь унш, ойлгохгүй хэвээр бол тухайн ишлэлийг агуулсан бүлгийг нь унш, мөн ойлгохгүй хэвээр бол хэд хэдэн бүлэгтэй нь хамт унш, гэсэн ч ойлгохгүй бол тухайн номоо, тэгээд бүр Библийг бүтнээр нь унш.” гэж хэлж билээ. Тухайн үедээ би “-’яг’ л тус боллоо доо” гэж бодон дургүйхэн шиг байснаа санаж байна. Гэвч яваандаа энэ туйлын үнэн болохыг ойлгож ухаарсан бөгөөд надад тэгэж хэлсэнд нь одоо ч маш их талархаж явдаг.

Бид аль нэг ишлэлийн утга санааг бүрэн ойлгохын тулд агуулгаар нь унших зайлшгүй чухал бөгөөд энэ нь бас Библи болох Бурханы Үгийг дайвуулж, гуйвуулах аюулаас хамгаалдаг.

2 Коринт 5:14-15-д “Нэг нь бүх хүмүүсийн төлөө үхсэн тул бүгд үхсэн...Тэр бүгдийн төлөө үхсэн учраас амьд байгсад цаашид өөрсдийн төлөө бус, харин өөрсдийнх нь төлөө үхээд, амилуулагдсан Түүний төлөө амьдрах ёстой.” гэсэн. Есүс хүн төрөлхтний дан ганц гэм нүглийн шийтгэлийг Өөртөө хүлээн авч үхээгүй. Тэрээр мөн биднийг Өөртөө агуулан үхсэн юм. Учир нь Анхны Хүн Адамын үйлдсэн гэм нүглээс болж, бүх хүн төрөлхтөн гэмт мөн чанартай төрөх болсон бөгөөд үүний улмаас гэм нүгэл үйлддэг. Харин гэм нүглийн төлөөс нь үхэл хэмээн Библи заадаг. Төрөхөөс гэмт мөн чанартай болсон хүмүүс бид үхэж байж л энэ гэмт мөн чанараасаа ангижирч, цоо шинэ мөн чанарыг хүлээн авч дахин төрж чадна. Иймд Библи Есүсийг бүхий л гэмт мөн чанартай хүн төрөлхтнийг агуулан үхсэн Сүүлчийн Адам, үхлээс амилуулагдаад цоо шинэ удам угсааг эхлүүлэгч Хоёр дахь Хүн хэмээн нэрлэсэн байдаг.(1 Коринт 15)  Учир нь Есүс үхэхэд бид Түүнтэй хамт үхэж, Түүний үхэлтэй нэгдсэн, мөн дахин амилахад нь Түүнтэй амилж шинэ амьдралыг хүлээн авсан. Тиймээс хэрэв хэн нэгэн Христ Есүст итгэсэн бол тэр хүн Христ дотор байгаа бөгөөд дахин төрсөн, шинэ мөн чанарыг хүлээн авсан шинэ бүтээл юм. Хуучин бүх юмс нь өнгөрөн одсон. Энэ бол хүний оюун ухаанаас гарж чадамгүй, Ертөнцийн Эзэн Бурханы гайхамшигтай мэргэн ухаан хийгээд хүч чадал, Түүний сайн сайхан мөн чанар юм.

Өнөөдөр та Христ дотор шинэ бүтээл, шинэ хүн гэдгээ хүлээн зөвшөөрч, энэ гайхамшигт үнэн дотор баярлан хөөрч, өөрийнхөө төлөө бус, таны төлөө үхээд, дахин амилсан Есүс Христийн алдарын төлөө Түүнийг хүндэтгэн амьдраарай.