Мөнхийн улсын өдрүүд газар дэлхий дээр 7

“..сүнсгүй бие үхмэл байдгийн адил түүнчлэн үйлсгүй итгэл ч бас үхмэл..”Иаков 2:26

Христэд итгэгч хүний итгэл амьд итгэл байх ёстой. Амьд гэдэг нь үйлстэй байх ёстой. Учир нь дээрх ишлэлийн дагуу бидний итгэл үйлсгүй бол ямар ч нэмэргүй, ямар ч үр нөлөөгүй, хиймэл, хийсвэр, хуурамч, үхмэл байна.

Сүнсгүй үхмэл биед ямар ч мэдрэмж, реакц хариу үйлдэл байхгүй. Дотроосоо ч тэр, гандаасаа ч мөн адил. Бидний итгэл үйлсгүй бол үүнтэй адил үхмэл. Дотроосоо Ариун Сүнсний амь амьдрал хаагдмал, хязгаарлагдмал гаднаасаа бидэнд ирж буй ятгалга, урамшуулал, заавар, зэмлэл хүчгүй, бусдын сүнсний байдал, хүндрэл бэрхшээл, хэрэгцээ зүрх сэтгэлийг ч хөдөлгөж чадахгүй болсон байдаг. Тиймээс бид өөрсдөөсөө бидэнд үйлстэй амьд итгэл байна уу гэж асуух хэрэгтэй.

Амьд итгэлд дуу хоолой хийгээд үйлсийн аль аль нь байдаг. Жишээлбэл, та үнэхээр Есүс Христийн тухай авралын сайн мэдээ энэ хүн төрөлхтнийг гэм нүгэл хийгээд гэм нүглийн боолчлолоос нь аврах цорын ганц үнэн мөн гэж итгэж, хүлээн зөвшөөрдөг бол энэ талаар та бусдад гэрчилж амьдарна гэсэн  үг. Таны үг яриа, үйл хөдлөл, биеэ авч яваа тань үүнийг гэрчилж харуулж чадна гэсэн үг. Та үнэхээр гуйлт залбирал нь үр нөлөөтэй, хариутай гэж итгэдэг бол урамтайгаар гуйж залбирна гэсэн  үг. Та үнэхээр Ертөнцийн Эзэн таны бүх эх сурвалж, хангамж гэж итгэдэг бол Түүний сүм чуулганд өргөл, аравны нэгээ итгэлтэйгээр баяр хөөр дүүрэн өргөнө гэсэн үг. Есүс Христ үнэхээр таны төлөө амиа өгсөн, танд хайртай, тантай дотно харилцаатай байхыг хүсдэг гэдэгт итгэдэг бол Түүнтэй ярьж, харилцана гэсэн үг. Есүс  Христ зөвхөн таны гэм нүглийн төлөө бус, мөн биеэрээ таны өвчин эмгэгийг Өөртөө тээсэн гэдэгт итгэдэг бол та эдгэрэлээ хүлээн авч, ер бусын эрүүл мэндээр амьдарна гэсэн үг.

Хайрт ахан дүүс минь, зөвхөн бидний гэм нүглийг бус, биднийг асуудлуудтай нь хамт Өөрийн нуруун дээр үүрч загалмайд цовдлогдон амиа өгсөн Есүс Их Эзэндээ итгэл итгэлээ үйлстэй амьд байлгацгаая.  

Мөнхийн улсын өдрүүд газар дэлхий дээр: Өдөр 6

“Хэрэв та нар бузар атлаа хүүхдүүддээ сайн бэлэг өгөхөө мэддэг юм бол, тэнгэр дэх 

Эцэг тань Өөрөөс нь гуйдаг хүмүүст илүү сайныг өгөх нь дамжиггүй бус уу?” Матай 7:11

Үүнийг би Библийн ‘хар ухаан’ гэж нэрлэмээр санагддаг юм. Хүмүүс бидэнд амьдралын хар ухаан гэж байдаг. Нэгэн удаа итгэлийн ах нартайгаа хамт асуулт хариултын тоглоом тоглож байхад “PhD буюу доктор процессорын зэрэг, амьдралын сайн хар ухаан хоёрын аль нэгийг нь сонгох хэрэгтэй, алийг нь сонгох вэ?” гэсэн асуулт гарж ирж билээ. Бид бүгдээрээ амьдралын сайн хар ухаантай бол сайхан амьдраад байж чадна гэдэгтэй санал нийлцгээж байсан.

Ямар ч эцэг эх үр хүүхэддээ хамгийн сайн сайхныг хүсдэг. Үүнийг би өөрийнхөө эцэг эхээсээ байнга олж харж байдаг. Харамсалтай нь заримдаа бид Ер Бусын Эцэг маань болсон Ертөнцийн Эзэнийг биднийг хайрладаг Аавыгаа гэж харахын оронд биднээс олон зүйл хийхийг шаарддаг Дарга, Босс мэтээр хардаг. Тийм ч учраас бидний Христчин амьдрал хийж болно, болохгүй гэх мэт олон зүйлсээр хашигдсан, доторх эрх чөлөө бус, гаднах баригдмал амьдрал болон хувирсан байдаг.

Бид Ертөнцийн Эзэний зарц, үйлчлэгч нар бус, хөвгүүд охидууд нь гэдгийг ойлгож амьдрах хэрэгтэй. Учир нь бид өөрсдийгөө Ертөнцийн Эзэн Аавынхаа жинхэнэ хөвгүүд, охидууд гэдгийг ойлгож мэдсэнээр Түүний Хаант Улсын жинхэнэ үр бүтээлтэй зарц, үйлчлэгч нар байж чадна. 

Бидний Их Эзэн Есүс Христ загалмай дээр эцсийн амьсгалаа хураахын өмнө Матай 27:46-д “Ели, Ели лама сабахтани?” буюу “Бурхан минь, Бурхан минь, юунд Намайг орхив?” хэмээн хашхирсан. Тэрхүү загалмай дээр 2000 жилийн тэртээ Есүс та хоёрын хооронд агуу солилцоо болсон юм. Тэрээр загалмай дээр таны орон зайг эзлэн, таны төлөөлөл болсон юм. Тийм учраас Өөрийн Ертөнцийн Эзэн Аавыгаа Их Эзэн Есүс маань “Ааваа, Ааваа юунд Намайг орхино вэ?” бус “Бурхан минь, Бурхан минь, юунд Намайг орхив?” хэмээн хашгирсан. Иймээс та өнөөдөр Ертөнцийг Эзэнд “Ааваа, Ааваа юунд намайг ингэж их хайрлана вэ?” хэмээн Түүний сайн сайхныг магтан хашгирч чадна.    

ESSENCE OF FAITH / ИТГЭЛИЙН МӨН ЧАНАР

Now faith is the substantiating of things hoped for, the evidencing of things not seen. "Things hoped for" and "things not seen" are the things the grace of God made available to us. Let us continue to look to Jesus, the Originator and Perfecter of faith and live by faith, not by sight.

For Abraham, Isaac was "hoped for" and "not seen". If you look at the situation they were in through sight, the condition was impossible. But he didn't walk by sight, but by faith.

The Bible says Abraham believed God, NOT considering the deadness of his body and his wife Sarah's womb. For he did not waver at the promise of God through unbelief, but was strengthened in faith, giving glory to God and being fully convinced that what God had promised He was also able to perform. Now that is real faith.